Што е Месечина?
Месечина Гостивар е граѓанско здружение коe е формирано и дава придонес за социјална интеграција, ефективно учество и еднакво учество во демократските права и потенцијали наменети за Ромската заедница, на национално и локално ниво, низ јакнење на капацитетот, директната подршка и застапувањето за Ромите.
Што е целта на Месечина?
Месечина преку своите програми придонесува за демократска интеграција и ефективно учество на ромската заедница преку градење на капацитети, директна поддршка и застапување на Ромите.
Кога е формирана организацијата?
Месечина е не-владино, не-политичко здружение формирано од интелектуалци Роми од Гостивар. Здружението има хуманитарен карактер и врз основа на тоа не прави разлика помеѓу луѓето. Тоа е формирано 2 - Септември 1993 година во Гостивар.
Месечина Гостивар реализира повеќе од 100 проекти. Тие беа поврзани со јакнењето на НВО секторот, развој на заедницата, застапување, социајлна политика, образование на возрасни, сиромаштија, човекови права и информирање и координација.
Месечина Гостивар има голем број на постигнувања во делот на мобилизација на заедницата. Здружението спроведе голем број на обуки и тоа: За стратешко планирање, менаџмент обука, обуки за развој на НВО, застапување, односи со медиумите и создавање на сопствени приходи.
Месечина Гостивар ги идентификува потребите на НВО-ите кои работат за заштита на човековите права и образование; организира работилници и ги вклучува во социјалниот и општествен живот. Здружението е ментор во делот на развојот на здруженијата кај ромите.
Идно дејствување на организацијата?
Месечина ќе се стреми да ја оствари својата визија, односно да прерасне во институција за интеграција на Ромите преку градење и развивање на човечки и материјални капацитети врз основа на кои ваквата институција ќе се формира.
Во моментот, Месечина Гостивар заедно со партнери ги имплементира проектите: Македонија без дискриминација, Еднаков пристап до здраствена заштита, Инклузија на деца Роми во предучилишните Општински установи, Социјална вклученост на Роми, Ашкалии и Египчани и Ромско иформативни центри. Тие се однесуваат на 3 и 2 години заложби во мобилизацијата на заедницата и нивна зголемена активност. Проектите се имплментираат во Република Македонија.
